प्लाष्टिक ट्रे / नर्सरी ट्रे: बजारमा सानो सानो थुप्रै कप भएको विभिन्न आकार र नापको कालो रङको प्लाष्टिक ट्रे पाइन्छ । हरेक कपमा बिउ राख्न सकिन्छ र कपको मुनी पानीको निकासका लागी प्वाल बनाईएको हुन्छ । प्लास्टिक ट्रेमा विशेष गरी साना दाना हुने बाली जस्तै खुर्सानी, टमाटर, भण्टा, रायो, स्विस चार्ड जस्ता बालीहरुको बेर्ना तयार पारिन्छ । प्लाष्टिक ट्रेमा बेर्ना तयार पार्ने विधि:

–  एक भाग मलिलो बुर्बुराउँदो माटो, एक भाग कोकोपिट र एक भाग कम्पोष्ट मलको मिश्रण तयार गर्ने

–  त्यो मिश्रण लिएर प्लाष्टिक ट्रेमा भएका कपहरु भर्ने, भर्दा मिश्रण खुकुलो हुने गरी भर्ने, थिचेर अटसमटस नपार्ने

–  त्यस्पछी हरेक कपमा बिउ खसाल्न १-१ वटा प्वाल बनाउने र हरेक प्वाल मा बिउ खसाल्ने

–  अनी माथिबाट फेरी अघिको मिश्रण हल्का गरेर छरेर बिउलाई छोप्दिने

–  हरेक दिन बिहान र बेलुका बिउलाई पानी भर्दिने

–  बालीको प्रकार अनुसार २१ देखी ३० दिनमा बेर्ना तयार हुन्छ

–  बेर्ना निकाल्नु अघी मिश्रणलाई सरर भिजाउने

–  त्यस्पछी ट्रे को मुनिको प्वालबाट औंला वा लट्ठीले थिचेर माथी धकेल्ने

–  यसो गरेपछी बेर्न मिश्रणसङ्गै निस्कन्छ र अर्को भाँडामा सार्न सकिन्छ ।

•       पोलीब्याग: पोलीब्याग कालो रङको थैलो जस्तो हुन्छ । पोलिब्यागमा लहरे बालीहरू जस्तै ईस्क्वास, काँक्रो, लौका, फर्सी, घिरौंला, तीते करेला आदि बालीहरू जसको दाना ठुलो हुन्छ, तीनको बेर्ना तयार पारिन्छ । बिरुवाको कलमी काटेर पनी पोलिब्यागमा रोप्न सकिन्छ । पोलिब्याग प्रयोग गर्नुभन्दा अघी पानी निकासको लागी प्वाल पार्नु आवश्यक हुन्छ । एक भाग मलिलो माटो, एक भाग कोकोपिट र एक भाग मलको मिश्रणलाई पोलिब्यागमा भरिन्छ र बिउ खसाल्न प्वाल बनाइन्छ । बिउलाई प्वालामाअ खसालेर मिश्रणले छोपिन्छ र हरेक दिन बिहान बेलुका पानी लगाइन्छ । बेर्नामा २-३ पात राम्ररी हुर्केपछी पोलिब्यागलाई काटेर वा तलपट्टी बाट हल्का हल्का ढकालेर बेर्नालाई मुख्य स्थान वा भाँडामा मिश्रण सहित सारिन्छ ।
•      प्लाष्टिकको /काठको /फाइबर बाकस: कौसी खेती गर्दा प्लाष्टिकको/काठको/ फाइबर बाकसमा पनी बेर्ना तयार गर्न सकिन्छ। बाकस छान्दा चौडाइ १ मि लामो भएको अनि लम्म बाइ आफ्नो इक्षा अनुसारको  बाकस लिँदा हुन्छ । बाकसमा बेर्ना तयार पार्दा पहिले माटो, मल र कोकोपिटको बारा बर भागमा मिश्रण बनाएर बाकस भर्ने र हल्का पानीले भिजाउने । त्यसपछी सागबालीको बिउ भए छर्ने अनि टमाटर, खुर्सानी, बन्दा आदिको बिउ छ भने बाकसको चौडाइ बाट १०-१० सेमी को अन्तरमा १-१५ सेमी गहिरो लाईन तान्ने अनि त्यसमा २ सेमीको अन्तर गरेर हरेक लाईनमा बिउ गाड्ने र माथीबाट मिश्रणले छोपिदिने । त्यसपछी दैनिक बिहान बेलुका हजारीले पानी लगाउने । यसरी तयार गरिएको बेर्नालाई अन्तत मुख्य स्थल वा भाँडामा सार्न सकिन्छ। जाडो या वर्षा याममा बेर्ना जोगाउन बाकसलाई माथिबाट टेका लगाएर गुमोजले छोप्न सकिन्छ वा परालको छापो लगाउन पनी सकिन्छ ।