कौसी खेतीको लागि स्थल छनौट गर्दा बालीको आवश्यकता अनुसार प्रशस्त घाम लाग्ने ठाउँ वा छहारी पर्ने ठाउँ तथा सजिलोसँग पानी दिन सकिने ठाँउको छनौट गर्नुपर्छ । प्रयोग गर्न सकिने स्थान र त्यहाँ लगाउन सकिने बालीका किसिमहरु:

• कौसी: सामान्य सबै किसिमका तरकारी, फूल तथा फलफुलहरु

• बरण्डा: जडीबुटी तथा मसला बाली

• घाम लाग्ने भित्ता: बोट्टललाई भित्तामा टाँगेर साना जरा हुने बाली तथा फूलहरु  

• बरण्डाको रेलिङ्ग: आकर्षक फूलहरु तथा लहरे बालीहरु

• सिडीको छेउ: घामको तापक्रम कम चाहिने बास्नादार बिरुवा तथा फूलहरु

• घर–कम्पाउण्डको पर्खाल: लहरा लाग्ने बालीहरु

पुनश्चः कतिपय घर, बरण्डाहरु प्राविधिक डिजाइन अनुसार नबनाइएको वा पुरानो छ भने कौसी खेतीगर्नु अघि भार थाम्न सक्ने नसक्ने बारे सम्बन्धित प्राविधिकको सल्लाह लिनु जरुरी हुन्छ ।

बालीहरूको किसिम र छनौट

कौसीमा खेती गर्न धेरै किसिमका बालीहरूको छनौट गर्न सकिन्छ जस्तै फलफूल बाली, तरकारी बाली, मसला बाली आदि । यहाँ मुख्यमुख्य बालीहरूबारे छोटकरी वर्णन गरिएको छ ।