बालीको जिवन चक्रको सुरुआत नै बिउ बाट हुन्छ ।कुनै बाली राम्रो सँग हुर्किने वा नहुर्किने, उत्पादन राम्रोसँग दिने वा नदिने कुरा एउटा बिउ राम्रो र स्व स्थ छ छैन भन्ने कुरामा धेरै निर्भर गर्छ त्यसैले बिउ तयार पार्दा सावधानी पूर्वक तयार पार्नुपर्छ ।
बिउ तयार गर्ने विधि:
- बिउ निकाल्न राम्ररी पाकेको, रोगकिरा नलागेको र राम्रो आकार भएको फल छान्नुपर्छ ।
- फलबाट बिउलाई छुट्टाएर राम्ररी पखालेर सफा गर्नुपर्छ ।
- पखालेर सफा गरेको बिउलाई घाममा मज्जाले सुकाउनुपर्छ, बिउमा चाहिने भन्दा धेरै आद्रता भएमा रोग तथा किरा लाग्ने, कुहिने समस्या देखा पर्न सक्छ ।
- बिउ सुकेर हलुका भएपछी हातमा लिएर उफार्दा छङ्छङ बज्यो भने बिउ तयार भएको बुझ्न सकिन्छ ।
- यसरी सुकेको बिउलाई खाम वा प्लाष्टिकमा सिल गरेर वा सिसाको जारमा बिर्को लगाएर हावा नछिर्ने गरी भण्डारण गर्न सकिन्छ ।