पाकेको मल मात्र प्रयोग गर्ने, नपाकेको गोबरमल प्रयोग गर्दै नगर्ने

खनजोत तथा गोडमेल गर्ने समयमा देखिएका खुम्रे तथा माउ खपटेहरु बटुलेर नष्ट गर्ने वा हाँस माछा कुखुराहरुलाई दिने । वरिपरि बिगार हुने खालको बाली बिरुवा नभएमा खनजोत तथा गोडमेल गर्ने समयमा हाँस कुखुराहरुलाई सँग सँगै चराउन पनि सकिन्छ

बैशाख, जेष्ठ, असारको समयमा बत्तीको पासो थापेर माउहरुको संख्या न्युनीकरण गर्ने

रोप्ने बेलामा बीउ तथा बीरुवाको दर अलिक बृद्धि गर्ने ताकी केही बीरुवा खुम्रेले खाँदा पनि आबस्यक बिरुवा बाँकी रहुन

मेटारिजियम नामको ढुसी (जैबिक बिषादी) कम्पोष्ट मलमा मिलाएर वा जोत्दै गरेको माटोमा सिधै प्रयोग गर्ने

खुम्रे किराको नियन्त्रणमा प्रयोग गर्न सकिने जैविक विषादीहरु मध्य स्थानीय मेटारिजियमले ६८ प्रतिशत, औधोगिक मेटारिजियमले ५४ प्रतिशत, ब्यूभेरियाले ५१ प्रतिशत र कृषि चुनले ४१ प्रतिशत नियन्त्रण  गर्न सक्दछ ।